18 მაისს, ევროპა ლიგის ნახევარფინალში "სევილია" "იუვენტუსს" დაუპირისპირდა და ფინალის საგზურიც მოიპოვა.

ვინაიდან ანდალუსიელები ფინალს 31 მაისს ითამაშებენ, მათი მადრიდის "რეალთან" დაპირისპირების თარიღი შეიცვალა.

კერძოდ, მადრიდელებისა და სევილიელების მატჩი 28 მაისს იყო ჩანიშნული და ზემოთ აღნიშნული მიზეზის გამო, ეს თამაში 27-ში გაიმართება.

ასევე "რეალისა" და "რაიო ვალეკანოს" თამაშის ჩატარების თარიღიც შეიცვალა და შეხვედრა 25 მაისის ნაცვლად, 24-ში შედგება.

აქვე გეტყვით, რომ "ბლანკოსს" მომდევნო დაპირისპირება "მესტალიაზე" "ვალენსიას" წინააღმდეგ ელის.