მადრიდის "რეალის" მთავარმა მწრთნველმა კარლო ანჩელოტიმ დაადასტურა, რომ ფრან გარსია ზაფხულში "სამეფო გუნდის" რიგებს შეურთდება.

იტალიელი სპეციალისტის განცხადებით, ახალგაზრდა ესპანელი მარცხენა მცველი მადრიდელთა პირველი შენაძენი იქნება.

შეგახსენებთ, რომ გარსია "ბლანკოსის" აღზრდილია. იგი "რეალის" ახალგაზრდულ გუნდში ირიცხებოდა, რის შემდეგაც ჯერ იჯარით და შემდეგ გამოსყიდვით გარკვეული დრო "რაიო ვალეკანოში" დაჰყო.

ახლა კი მადრიდელებს სურთ, რომ იგი დაიბრუნონ და ეს სულ მალე მოხდება.

ცნობისთვის, ამ სეზონში გარსიამ კატალონიის "ბარსელონას" წინააღმდეგ გოლის გატანაც მოახერხა.