"ნაპოლის" შემტევის ხვიჩა კვარაცხელიას აგენტმა, მამუკა ჯუღელმა, "GDS via Football Italia"-სთან საინტერესო კომენტარი გააკეთა.

კერძოდ, მან ვიქტორ ოსიმენსა და ქართველ შემტევზე ისაუბრა.

"უკვე შემიძლია გითხრათ, რომ ოსიმენი მომავალ ზაფხულში საუდის არაბეთში წავა.

"ნაპოლიმ" მისი ხელფასი გაზარდა, თუმცა კვარაცხელიას შემთხვევაში, ხვიჩა 1 მილიარდ ევროსაც კი არ დათანხმდება და არ წავა აზიაში.

"მას ურჩევნია ითამაშოს რომელიმე ევროპულ გრანდში - მიუნხენის "ბაიერნში", "მანჩესტერ სიტიში", კატალონიის "ბარსელონასა" და მადრიდის "რეალში", - განაცხადა ჯუღელმა.