როგორც იცით, გუშინ, პარიზში FIFA The Best-ის დაჯილდოება გაიმართა, სადაც წლის საუკეთესო ფეხბურთელად "პარის სენ-ჟერმენის" მოთამაშე ლიონელ მესი დასახელდა.

რა თქმა უნდა, ამ პრიზის მოგების პრეტენდენტი მადრიდის "რეალის" ფორვარდი კარიმ ბენზემაც იყო, რომელმაც გათამაშებაში მე-3 ადგილი დაიკავა.

ცერემონიის დასრულების შემდეგ, გაირკვა, თუ ვინ ვის მისცა ხმა აღნიშნულ გათამაშებაში.

გაირკვა, რომ მესიმ პირველ და მეორე ადგილებზე თანაგუნდელები ნეიმარ ჟუნიორი და კილიან მბაპე გაიყვანა.

რაც შეეხება კარიმს, არგენტინელის აზრით, მან მესამე პოზიცია დაიმსახურა.

აქვე გეტყვით, რომ ლეომ FIFA-ს ეს პრიზი რიგით მეშვიდედ მოიგო.