5 ივლისს მსოფლიო საკლუბო ჩემპიონატის 1/4-ფინალში "პსჟ"-მ მიუნხენის "ბაიერნი" 2:0 დაამარცხა და ტურნირის ნახევარფინალში გავიდა.

აღსანიშნავია, რომ ხვიჩა კვარაცხელიასა და თავისი თანაგუნდელების შემდეგი მეტოქე მადრიდის "რეალი" იქნება, რომელმაც ბორუსიას "დორტმუნდი" 3:2 დაამარცხა.

საგულისხმოა ის ფაქტიც, რომ ქართველ შემტევს თავის ოცნების გუნდთან ორჯერ აქვს ნათამაშები.

ბოლოს ეს 2023 წლის 30 ნოემბერს მოხდა, სადაც მადრიდელებმა "სანტიაგო ბერნაბეუზე" 4:2 გაიმარჯვეს.

აღნიშნულ დაპირისპირებაში "თეთრების" მხრიდან გოლები, როდრიგომ, ჯუდ ბელინგემმა, ნიკო პასმა და ხოსელუმ გაიტანეს, ხოლო ნეაპოლელებიდან თავი ჯოვანი სიმეონემ და ზამბო ანგისამ გამოიჩინეს. 

მანამდე ამ გუნდებს შორის მატჩი 3 ოქტომბერს ვიხილეთ, სადაც "სამეფო გუნდმა" 2:3 იმარჯვა. ხვიჩამ კი ამ ორ თამაშში თავი საგოლე მოქმედებით ვერ დაგვამახსოვრა.

ცნობისთვის, კვარასა და "რეალს" შორის მორიგი ჯახი 9 ივლისს ჩვენი დროით 23:00 საათზე შედგება.