ცნობილი გამოცემა ESPN-ის ინფორმაციით, ზაფხულის სატრანსფერო ფანჯარაზე მადრიდის "რეალის" ერთ-ერთი სამიზნე გაბრი ვეიგა იქნება.

"სელტას" 20 წლის ნახევარმცველი შესანიშნავ სეზონს ატარებს, რის გამოც უამრავი ევროპული გრანდის მხრიდან დაიმსახურა ინტერესი.

"ბლანკოსის" გარდა, ვეიგას ტრანსფერზე "იუნაიტედი", "ლივერპული", "მანჩესტერ სიტი", "არსენალი" და კიდევ უამრავი კლუბი აპირებს მუშაობას.

ამასთანავე, გავრცელდა ინფორმაცია "სამეფო გუნდის" ხელმძღვანელები "სელტას" წარმომადგენლებს შეხვდნენ, სადაც ფეხბურთელის თაობაზე ისაუბრეს.

ესპანელი მოთამაშე ამპლუით შემტევი ნახევარმცველია, თუმცა ასევე შეუძლია ცენტრალური ნახევარმცველის როლის მორგებაც.

მიმდინარე სეზონში, გაბრიმ 28 მატჩში 8 გოლსა და 3 საგოლე გადაცემას მოუყარა თავი.