როგორც მოგეხსენებათ, გუშინ მადრიდის "რეალმა" "ვილიარეალს" უმასპინძლა და მეტოქესთან 2:3 დამარცხდა.

მატჩის მიმდინარეობისას, "ყვითელი წყალქვეშა ნავის" ფეხბურთელმა ალექს ბაენამ ფედე ვალვერდეს შეურაწყოფა მიაყენა.

ამის გამო კი ურუგვაელი ფეხბურთელი, შეხვედრის დასრულების შემდეგ, ალექსს ფიზიკურად დაუპირისპირდა.

მედიაში გავრცელებული ინფორმაციის თანახმად, რეალური შანსია იმისა, რომ ფედემ, ასეთი ქმედების გამო, 4 მატჩიანი დისკვალიფიკაცია მიიღოს.

როგორც ირკვევა, თუ ბაენა ამ საკითხზე საჩივარს შეიტანს, ვალვერდე დისკვალიფიკაციას აუცილებლად მიიღებს.

აქვე გეტყვით, რომ ფედესა და ალექსის დაპირისპირების ამსახველი კადრები პოლიციას უკვე გააჩნია.