დღეს, ლა ლიგამ დაასახელა იმ ფეხბურთელების ვინაობა, რომლებიც ესპანეთის ჩემპიონატის აპრილის თვის საუკეთესო მოთმაშის ჯილდოსთვის იბრძოლებენ.

აღსანიშნავია, რომ სიაში მადრიდის "რეალის" შემტევი, მარკო ასენსიოც მოხვდა, რომელმაც გასულ თვეს თავი როგორც გოლებით, ისე საგოლე პასებითაც გამოიჩინა.

გარდა ესპანელისა, ამ ჯილდოსთვის ასევე ინიაკი ვილიამსი ("ბილბაო"), ანტუან გრიზმანი ("ატლეტიკო"), რონალდ არაუხო ("ბარსელონა"), იუსიფ ენ-ნესირი ("სევილია"), სელიმ ამალაჰი ("ვალიადოლიდი") და ლი კანგ-ინი ("მალიორკა") იბრძოლებენ. 

ცნობისთვის, აღნიშნული პრიზის მოგება მიმდინარე სეზონში "ბლანკოსიდან" მხოლოდ ფედე ვალვერდემ მოახერხა.