ცნობილმა ესპანურმა გამოცემა "Marca"-მ მადრიდის "რეალისა" და ჯუდ ბელინგემის შესახებ ახალი ინფორმაცია გაავრცელა.

წყაროს ცნობით, უახლოეს დღეებში "ბლანკოსის" ხელმძღვანელები გერმანიაში გაემგზავრებიან, სადაც ფეხბურთელის წარმომადგენლებთან მნიშვნელოვან მოლაპარაკებებსა და შეხვედრებს გამართავენ.

როგორც იწერება, "ბლანკოსი" დარწმუნებულია, რომ სატრანსფერო ბრძოლას მოიგებს და ახალგაზრდა ინგლისელს ზაფხულში გაიფორმებს.

აღსანიშნავია ისიც, რომ ბელინგემმა "დორტმუნდისგან" ყველა ის წინადადება დაბლოკა, რომელიც კლუბში დარჩენასა და ახალი კონტრაქტის გაფორმებას ითვალისწინებდა.

რაც შეეხება 19 წლის ფეხბურთელის მონაგარს, მიმდინარე სეზონში "შავ-ყვითლების" რიგებში მან აქტივში 11 გოლი და 6 საგოლე პასი ჩაიწერა.