როგორც მოგეხსენებათ, ბევრი იწერება, რომ სეზონს ბოლოს, შესაძლოა, ზინედინ ზიდანი მადრიდის "რეალში" მესამედ დაბრუნდეს.

აღნიშნულთან დაკავშირებით, ბოლო 2 დღეა ცნობები არ წყდება.

ამჯერად, ახალ, საინტერესო ინფორმაციას Defensa Central ავრცელებს.

გამოცემის ინფორმაციით, ზიზუს დაბრუნება გუნდში ბევრ რამეს შეცვლის. მათ შორის კლუბის სატრანსფერო გეგმებს.

კერძოდ, ეს გასაშვებ ფეხბურთელებს ედენ აზარს და ფერლან მენდის ეხება. როგორც იწერება, ფრანგ სპეციალისტის ორივე მათგანის გუნდში დატოვება სურს.

გარდა ამისა, აღნიშნული გამოცემა კილიან მბაპეზეც წერს. როგორც ირკვევა, კლუბში მიაჩნიათ, რომ ზიდანის მოსვლა ოპერაცია - კილიან მბაპეს თავიდან გააქტიურებს და ფრანგი საბოლოოდ მადრიდულ გუნდში აღმოჩნდება.