კარლო ანჩელოტის მადრიდის "რეალიდან" შესაზლო წასვლაზე მედიასი ცნობები არ წყდება.

თავიდან, თითქოს უკვე გადაწყვეტილი იყო, რომ სეზონის ბოლოს იტალიელი სპეციალისტი კლუბს დატოვებდა, თუმცა შემდეგ იწერებოდა, რომ კარლო მომდევნო სეზონშიც აუცილებლად "ბლანკოსის" მწრთვნელი იქნებოდა.

ახლა გასნხვავებულ ცნობებს კი ანტონ მეანა ავრცელებს, რომლის მტკიცებითაც, კლუბს ჯერ ანჩელოტისთვის არ დაუდასტურებია ის ფაქტი, რომ იგი მომავალ სეზონში "რეალის" თავკაცი იქნება.

ასე რომ, კარლოს მომავალი ჯერ კიდევ ბურუსითაა მოცული. ეს კი ბრაზილიის ნაკრების ხელმძვანელობას, ალბათ, ძალიან ახარებს, ვინაიდან ანჩელოტის მსურველი სწორედ "სელესაოა".