ცნობილმა ესპანურმა გამოცემა "Marca"-მ მადრიდის "რეალის" შესახებ ახალი სატრანსფერო სიახლე გაავრცელა.

როგორც ირკვევა, "სამეფო გუნდში" ედენ აზარის შემცვლელი იპოვნეს და საინტერესო ვარიანტს განიხილავენ.

წყაროს ცნობით, იმ შემთხვევეაში, თუ ბელგიელმა შეტევმა "ბლანკოსის" რიგები დატოვა, "თეთრები" მუსა დიაბის გადაბირებას შეეცდებიან.

ამჟამად ფრანგი თავდამსხმელი ბაიერ "ლევერკუზენის" რიგებში ასპარეზობს და საკმაოდ კარგ სეზონსაც ატარებს.

კერძოდ, 23 წლის ფეხბურთელმა მიმიდნარე სეზონში გერმანული კლუბის რიგებში 42 მატჩი ჩაატარა და აქტივში 14 გოლთან ერთად, 9 საგოლე პასი ჩაიწერა.

აქვე გეტყვით, რომ "Transfermarkt"-ის მონაცემების მიხედვით, დიაბის სატრანსფერო ფასი 50 მილიონ ევროს შეადგენს.